新聞頻道 > 體育頭條 > 一推一拉突破速度極限?
對我們的專頁說讚
一推一拉突破速度極限?


【體路專欄】要煮好一碟餸,首先要知個食譜(希望大家女女知道);同樣地,要練好一個運動/動作,你都要知道點形成個動作。成日有唔同人以日經頻密度問我哋,點樣可以跑快啲、跳高啲(嗰類嘢啦),但淨係識問答案,個腦轉少少都好似要你條命咁。

你做乜都有model answer嫁咩,有嘅話,運動界個個都拿第一啦。

今日就用短跑做個例子,因為極多嘅運動都有短跑成份(自己諗吓有乜啦);而短跑亦包含咗:1)傾前跑2)企直跑,呢兩隻Common嘅情況;甚至乎有啲長跑方法(Pose Running),都係用保特嘅途中跑嚟做例子。

短跑其實分好多個Stages,但唔深入講啦,我淨係想你知道有 2 兩嘢:

  1. 加速跑(Accelerationsssss)
  2. 途中跑(Fly Sprinting / 勁多其他名)

跑步肌肉大不同

如果我同你講:
「你練勁啲個 “老鼠仔”,就可以拎起一個重啲嘅手袋」我相信呢句說話冇人會反對丫。

好啦,咁上述嗰兩項動作,跑過田徑嘅人都一定訓練過。如果我要分別地跑得快啲,除咗繼續 #唔用腦地 係咁跑,我哋又應該練乜嘢肌肉呢?

你以為係咁舉重就得?咪發夢啦,你估 set 個 program 真係講吓 phasing 就 set 完咩?淨係練呢兩樣嘢,都要分別考慮佢哋用乜主要肌肉先!

加速跑:

  • —主要用「四頭肌」
  • —係由一連串活塞(Pistol)動作組成
  • —腳落點喺重心稍後方
  • —所以係一個「推」嘅動作

途中跑:

  • —主要用「後肌」(主要啦)
  • —腳落點喺重心稍稍稍前方
  • —所以係不斷「拉」嘅動作

大家睇「短跑腳」,唔難見到大脾前後肌肉都差唔多粗(P.S. 腳幼唔代表慢,不過今次唔講點解)。若果大家喺上述兩項動作都「樽頸」時,不妨諗吓,其實會唔會係對應嘅肌肉太過廢啦!

P.S. 由於我唔識整「葯膳年糕」(keywords: 美食獵人),呢個已經係好好好簡單嘅講法,如果都係唔明,不如直接send 段片嚟討論吓啦。

Reference:
Paul Gamble. Comprehensive Strength and Conditioning: Physical Preparation for Sports Performance. 2015